“Kemaro”
Oleh : Awan Renul
(Fathan Muhammad Taufiq)
si kerna uten nge emeh lapang,
kayu kaul rata betebang,
si taring jih urum kekuyang,
ike gaeh uren wih gere mupenghalang,
i anut ne bewene si mulintang,
akhere timul relas rum banjir bandang,
keta ike geh kemaro panyang,
mata ni wih nge kering kerontang,
tanoh rum senuwen nge teridah gersang,
nasibni petani olok di sayang,
ara pe kedut tapi uren gere mubayang,
ADVERTISEMENT
SCROLL TO RESUME CONTENT
gelah kite tiro mi ku Allah si maha penyayang,
beketier kite urum semiyang,
buge uren tir mutayang
Takengen, Juli 2025
