BARANEWS | Jemen pudah na, jema Ike aman mayak nayu rupen pekemel. Jadi ketika sara waktu, lo pertama iumah ni Tuen ne, ke mangan murum keluarga, Ara Era, Engah, ibi, kil, pun,dan plin si tutur ringen.
Jadi waktu male mangan Ruhul, Ara Engah he lagu mujenaka pora. Kebetulan Ruhul Oya ne i jerangnge jantar ulung pertik campur urum ulung gadung. Rasa ni ulung pertik ke betih sudere “pait olok”. Selain jantar ulung pertik Ara juga pong kero bandang bepengat.
Wan ate ni aman mayak ni, langkah ini Baro mangan sedep. Oboh he renye kowan pingen. Tibe tibe musaut ibi Encu e, si betutur ringen, renye iperin ne “Aman mayak ka Gere pangan ne le gule bandang”
ADVERTISEMENT
SCROLL TO RESUME CONTENT
Aman mayak pe senyum senyum kemuh, wan ate we ini aman mayak demaduh magoh ini. Male isauti ara Tuen (mertua) isone. kebetulen waktu mangan ruhul ketike oya, Tuen ne pe urum isone.
Jadi Ari kerna rasa kemel kin Tuen oleh aman mayak ni ongot ne diri e, si lucu e kerna nge perin ibi e gere mangan bandang. Renyel Gere ipangan ne..? Oleh kil le si betutur ringen, renye ijarak ne cawan gule bandang ne, kerna Aman Mayak Gere mangan bandang. Pokok e Ike buet mujangko aman mayak ni lagu gere ne lepas.
Akhire, mera gere mera aman mayak ni terpaksa iulem me ulung pertik. Kupen Pait pedih rasa e, male mutora, selo mungkin, lagi pantang Ike aman mayak nayu mutora. Akhire isapihi ye mangan dan gere ne i jontok ne pe ne gule bandang ne.
Maklumlah aman mayak masa jemen pekemel, Gere lagu anak Mayak besilo aman mayak gaul. Apalagi adat budaya ni urang Gayo i masa oya kental ilen. Singket ni cerite, Akhir re isapihi aman mayak ni le mangan urum ulung pertik ne, enge pugegintir aman Mayak ni mu nelan kero. Pokok e pait kune ke pait.
Mokot kemokot ne, nge lekat kero irongok ni aman Mayak ni. Sesat sesat minum itulaki Urum waih. Meh Oya kupen nge olok tu pait rasa ni ulung pertik. Akhire osop kemel ni Aman mayak renye iperin ne. “Kupangan le bandang” Urum uwes ni ate w.
Mumenge ling ni aman Mayak, tuen ne akhire tungkuk ne ulu e. Engah, ibi Encu si mumerin aman mayak Gere mangan bandang daboh kedik muserlak. Meh oya renye kunei Engah he mien ku aman mayak. “Pit ke ulung pertik ka aman mayak..? Akhire meh je kedik mugagak sire mulawi. Hahoiiii wiiiwww. (Hamdani).
