oleh

PANTUN BIJAK GAYO

banner 300x250
image_pdfimage_print


Oleh : Fathan Muhammad Taufiq

Pejejik lagu tersik pejenyong lagu tolong.
Oya perumpaan ni jema bujang
Ike tap ni reta dan keduduken kite berpaong.
Beluh reta, paong pe kabang

Munuke empus i tebang tamas.
Batas peruluken enti i tetamah.
Ike kenakan murip te temas.
Enti ucit munosah sedekah.

Kati enti sejuk kelkupen upuh.
Kerna besilo tengah musim bengi.
Enti tap ni mureta renye ko sepuh.
Saput putih we si puren kita mai.

Ulak ari emput utem i jangkat.
Sawah kumah kin penilang rara.
Tengah mujebeten enti ko jengkat.
Nge teduh kase gere i leweni jema.

Munimang perau ku ujung bintang.
Singah sekejep i kala segi.
Ike kenakan murip te senang.
Sipet merke inti peralai.

I kala pasir munama wau.
Ike male kin rejeki gere musangka gule
Iwan murip ni dalih munuruhen behu
Kerna mate kase jema we munengole.

Turah gati kite munungkuken ulu.
Ibedet ku Tuhen Enti sampe lekang.
Mudedik denie enti olok tu.
Kerna umur te nge makin kurang.

Iri dengki turah i osopen.
Kati galak ateni jema.
Mumerah reta enti jekopen.
Gelah i syukuri sana si nge ara.

Murip atan denie hanya sekejep.
Simehate i akherat puren.
Gelah jeroh mujege sikep.
Rakan sebet sudere enti i lupenen.

Ku atu lintang jelen muliku.
Munamat seteur gelah hati-hati.
Oya mulo pantun ari aku.
Udah nguk kin bahan interopeksi.

Komentar

Tinggalkan Balasan

Alamat email Anda tidak akan dipublikasikan. Ruas yang wajib ditandai *

News Feed